በአሏህ ስም እጅግ በጣም ርህሩህ እጅግ በጣም አዛኝ በሆነው።

=<({አል-ኢኽላስ 112:1-4})>=

ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ

1. በል! እርሱ አላህ አንድ ነው።

2. አላህ (የሁሉ) መጠጊያ ነው።

3. አልወለደም፤ አልተወለደምም።

4. ለእርሱም አንድም ብጤ የለውም።

የነብዩ(ሰ.ዐ.ወ) የሶላት አሰጋገድ ሁኔታ

የሰው ልጅ በትንሳኤ ቀን በመጀመሪያ የሚጠየቀው ስለ ሶላቱ ነው። እንዲሁም በሙእሚኖችና በኩፋሮች መካከል ያለ መለያ ሶላት ነው። ሶላት አንዱ የኢስላም ምሶሶ ሲሆን ልክ እንደሌሎቹ ኢባዳዎች ሊፈፀም የሚገባው የረሱልን ፈለግ በመከተል ነው። ይህን በተመለከተም ረሱል(ሰ.ዐ.ወ) ስሰግድ እንዳያችሁኝ ስገዱ ብለዋል።

በዚች መጽሐፍ ነብያችን(ሰ.ዐ.ወ) ሶላታቸውን እንዴት ይሰግዱ እንደነበር በጽሁፍና ምስልን በማስደገፍ አንድ ባንድ እንማራለን።

ባሎቻቸውን ያስተማሩ ሙስሊም ሴቶች

አላዋቂ ሙስሊሞችም ሆኑ ሙስሊም ያልሆኑ የሴት መብት ጠበቆች ሙስሊም ሴቶች ጭቁኖች ፣ ኋላ ቀር ፣ በኢስላም ቦታ የሌላቸው አድርገው ያስባሉ።

የሴትን ልጅ ህይወት ከጨለማው ዘመን ያላቀቀ ፣ ሴቶች ከወንዶች ጋር ጦርሜዳ እንዲዘምቱ የፈቀደ ፣ እኩል ከወንዶች ጋር ሐዲሶችን እንዲያስተላልፉ ያደረገ ኢስላም እንደሆነ ቢያውቁስ። ህዝባቸውን ፣ ባላቸውን ፣ ልጆቻቸውን በማስተማር ይህን ትውልድ የቀረፁ ሴቶች እንዳሉ ቢረዱስ።

ጥያቄዎቻችን እና የቁርአን መልሶች

የሰው ልጅ በእለት ተዕለት ኑሮው በህሊናው ከሚመላለሱ ጥያቄዎች ወይም ማንኛውም ሰው ቆም ብሎ እራሱን ሊጠይቅ ከሚገባው ጥያቄዎች አንዱ የመፈጠሬ አላማ ወይም ምድር ላይ የመኖሬ ሚስጥር ምን ድነው የሚለው ነው።

ለዚህና ከዚህ ጋር ተያያዥ ለሆኑ በርካታ ጥያቄዎችና የጥርጣሬ ምንጮች ዘላለማዊው ተአምር ቁርአን መልሶቻቸውን አስቀምጦልናል።

የፆመኛ ሙስሊም መመሪያ

የሰው ልጅ ያለ መመሪያና ደንብ ልጓም እንደሌለው ፈረስ በመሆኑ በየትኛውም የህይወት ዘርፍ የሰው ልጅ መመሪያ ያስፈልገዋል።

ሆኖም ፆመኛ ሙስሊም እንደሌሎቹ የእምነቱ ስርአት ሊከተላቸውና ሊተገብራቸው የሚገቡ መመሪያና ደንቦች እንደሚከተለው ተብራርተዋል።

ተውባ በረመዷን

ተውባ____አሏህ ለባሮቹ ከዋለው ትልቅ ችሮታ አንዱ ነው። በቅንነት ወደ እሱ ለተመለሱ ባሮቹ ወንጀሎቻቸውን በመማር መጥፎ ስራዎቻቸውን ወደ መልካም ስራ የሚቀይርላቸው መሆኑ ቃል የገባበት ነው።

በዛ ላይ ረመዷን ___የጀሃነም በሮች ተዘግተው የጀነት በሮች የሚከፈቱበት ፣ ሸይጧን የሚታሰርበት ፣ ከሽ ወራቶች በላይ በላጭ የሆነችን ለሊት የያዝ ፣ ቀርአን የወረደበት ፣ የአሏህ እዝነት ያለሂሳብ የሚዘንብበት ነው። ለውጥን ካሰቡ አይቀር ይህኔ ነው።

የጣኡት ትርጉም ማብራሪያ

ይህ መጽሐፍ የተረጎምኩት ከኢማም ሙሐመድ ኢብን አብዱልወሃብ "ማዕነቱ ጣኡት" ከሚለው ፅሁፋቸውና ከዶ/ር ሙሐመድ ቢን አብዱ-ረህማን አልኩመይስ ማብራሪያ ሲሆን በውስጧም አራት ምዕራፎች አሏት።

1. የጣኡት ትርጉምና ክፍሎቹ
2. በሰው ልጆች ላይ የተደነገገው የመጀመሪያው ግዴታ
3. በጣኡት መካድ የእምነት መስተካከል መሰረት ነው የሚሉ ሃሳቦች ተዳሰዋል።

ከዚህ በተጨማሪ በየምዕራፍ መጨረሻ ማጠቃለያና እራሳችነን የምንፈትንባቸው መልመጃዎች ተካተዋል።

የላኢላሃ ኢለሏህ ቅድመ ሁኔታዎች

የላኢላሃ ኢለሏህ የምስክርነት ቃል የጀነት ቁልፍ ነው። ታዲያ ይህ የምስክርነት ቃል መሉ ይሆን ዘንድ ቅድመ ሁኔታዎች አሉት። የቁርአን አናቅፅቶችን እና የረሱልን(ሰ.ዐ.ወ) ሐዲሶች ብናጠና የሸሃዳ ቅድመ ሁኔታዎች በቁጥር ስምንት ወይም ዘጠኝ እንደሆኑ እንረዳለን። ሆኖም ሁላችነም እነዚህን ቅድመ ሁኔታዎች በህይወታችን የራሳችነን የእምነት ምስክርነት ያሟላን መሆኑን ማረጋገጥ ይኖርብናል። ነገሮች ከመበላሸታቸውና አቅጣጫ ስተው ከመሄዳቸው በፊት እነዚህን ቅድመ ሁኔታዎች ለሟሟላት የቻልነውን ሁሉ ማድረግ አለብን።

የኢማሙ ሻፊኢ ፊቅህ መሰረታዊ ነገሮች

ይህ መጽሐፍ ስለ ኢስላም ግንዛቤ ለሌላቸው ሰዎች እጥር ምጥን ባለ መልኩ እውቀት የሚያገኙበት እውቀት ያላቸውም ለመሸምደድ የሚያመች በመሆኑ እውቀታቸውን የበለጠ የሚያዳብሩበት ወይም ለማስተማር የሚረዳ ሆኖ ስላገኘሁት ወደ አማርኛ ተርጉሜዋለሁ። ጠቃሚ ሆኖ እንደምታገኙት ተስፋ አደርጋለሁ።

በዚህ መፅሐፍ ከተዳሰሱ አርዕስቶች መካከል የኢስላም ምንነት ፍች ፣ አምስቱ የኢስላም ህጎች ፣ ጦሃራ ፣ የቆሻሻ አይነቶችና የማስወገጃ መንገዶቻቸው ፣ ኢስቲንጃ ፣ ውዱዕ ፣ ጉሱል ፣ ተየሙም ፣ ሶላት ፣ አርካኑ ሶላት ፣ የኢድ ሶላቶች ፣ ዘካና ሃጅ ወ.ዘ.ተ አርዕስቶች ተዳሰውበታል። በየምዕራፉ የተነሳውን አርዕስት ምንያህል እንደተረዳነው እራሳችነን ለመፈተሽ ከእያንዳንዱ ምዕራፍ መጨረሻ ላይ ጥያቄዎች ተካተውበታል። አንብበን የምንጠቀምበትና ሌሎች እህት ወንድሞቻችነን የምንጠቅምበት ያድርግልን።

ከአሏህ ሲሳይ ወይም ስንቅ የምናገኝባቸው መንገዶች

ዘመኑ የውድድርና የሽቅድድም ዘመን በመሆኑ የሰው ልጅ ሩጫው ለዱንያና ዱንያ ለያዘችው ነገር ሆኗል። ሆኖም በአሁኑ ወቅት ሰዎች ስራ ማጣት ፣ በቂ ገቢ አለማግኘት ፣ እራሳቸውን የሚያስተዳድሩበት ነገር አለማግኘት ፣ ትዳር መስርተው የሚኖሩበት ወይም ቤተሰባቸውን የሚያስተዳድሩበት በቂ ሲሳይ ማጣት ያስጨንቃቸዋል። ሆኖም ይህን ችግር ለማስወገድ በአሏህ መንገድ ላይ ሆነው ከመፈለግ ይልቅ ሃራም የሆኑ የለውጥ ጎዳናዎችን ሲጠቀሙ ይስተዋላል።

በዚች አነስተኛ መጽሐፍ ውስጥ እንዴት ቀናውን የአሏህ መንገድ ተከትለን ሲሳይ ማግኘት እንደምንችል ከቁርአንና ከሐዲስ ማስረጃዎችን በማጣቀስ የተወሰኑ ጠቋሚ ነጥቦች ተዳሰዋል። መልካም ንባብ!

መልካም ፍፃሜ

ሁሉም ሰው ህይወቱ መልካም ፍፃሜ ያገኝለት ዘንድ ይመኛል ያልማል። አብዛሃኛው ወጣቱ ክፍልም ነገን በተስፋ እየጠበቀ ወጣትነቱን ተደስቶበት በማሳለፍ ሃምሳዎቹና ስልሳዎቹ የእድሜ ክልል ላይ ወደ አሏህ እንደሚመለስብ ያስባል። ትልቁ ጥያቄ ግን ነገን ስለመኖርህ ዋስትናህ ምንድነው? ነገ የተቃና ሰው እንደምትሆን ምንድነው ማረጋገጫህ? የሚል ነው።

በዚች አነስተኛ መጽሐፍ የመልካም ፍፃሜ ምንነት ፣ ምልክቶቹ ፣ የመጥፎ ፍፃሜ ምንነትና ምልክቶቹ እንዲሁም ወጣቶች ላይ የሚስተዋሉ የተሳሳቱ ግንዛቤዎችና ቁርአናዊ ግሳፄዎች ተዳሰውበታል ያንብቡት!

ወጣቶች ሆይ! ዛሬውኑ ወደ አሏህ እንመለስ!

ወጣቶች ደስታን ለማጣጣም ወይም ከጎደኞቻቸው ጋር ላለመለያየት ወይም ደግሞ ዱንያዊ ኑሯቸውን ለማቃናት ሲሉ ከአሏህ ጋር ያላቸውን ግኑኝነት ያቋርጣሉ። አሉ የተባሉ ሃራም ነገሮችንም ይሰራሉ። የሚፈልጉትን ነገር በሃላል መንገድ ማግኘት ሲችሉ አሏህን በማመፅ ላይ ይፈልጋሉ።

ወቅቱ ወጣቱ ክፍል ለወጣትነት ጊዜው ትኩረት የማይሰጥበት ፣ ለዲኑ ግዴለሽ የሆነበት ፣ ከእውቀት ይልቅ አሉቧልታን ያስቀደመበት ፣ ከመስጊድ የራቀበት ፣ አዋዋሉ የማያምርበት ፣ ለጊዜ ዋጋ የማይሰጥበት የድንቁርና ጊዜ በመሆኑ ይችን ፅሁፍ ልፅፍ ወደድኩ አውርደው ያንብቧት!

ረመዷን 11 ወር ሙሉ ስሜቱንና መጥፎ ምኞቱን ተከትሎ ለኖረ ሰው ሁሉ ልጎም ፣ ለመልካም ሰሪዎች በረካ ሲሆን አዲስ የለውጥ ቤዛ ነው። ታዲያ ፆምን ፆም የሚያደርገው የምግብና የመጠጥ ተአቅቦ ብቻ ሳይሆን አሏህ የከለከላቸውን ነገሮች ሁሉ በመከልከል ያዘዛቸውን ነገሮች በመታዘዝ መልካም ነገሮችን መስራት ነው። ፆም.....በእናንተ ላይ ተደነገገ አሏህን ትፈሩ ዘንድ(2:183)።

ይህን ላደረገ ሰው ሲሳዩ በዱንያም በአሂራም ይሰፋል፤ እንከኖቹን አስወግዶ እራሱን በኢስላም ድስፕሊን በማነፅ የለውጥ ምሳሌ መሆን ይችላል። በረመዷን ወቅት ነብዩ(ሰ.ዐ.ወ) ከሌላው ጊዜ በበለጠ በኢባዳ ይተጉ ነበር።

• «
• 1
• 2
• 3
• »